CAF DON FINE NAIJA $5,000

CAF wey be ruling body of the football matta for Africa don fine Naija $5,000 sake of say pipu over plenty for the Kaduna Stadium wey Naija for play Egypt 1-1.
The match wey hold ground for Kaduna Stadium for March don cause CAF to fine Naija. We hear say the government of Kaduna open the stadium for free so dat fans go fit come support the Super Eagles.

Na more than 40,000 pipu enter the stadium wey suppose to be 15,000 capacity. Pipu plenty wey go watch the match and na so dem full everywhere, no more space, so pipu begin sitdon for anywhere like ground, the score board, flood lights in short everywhere dem see small space.

Now CAF don yarn say dat kind crowd na Gobe sake of say dem fit dey threaten the players and officials.