OLE! NSCDC DON GBAB CIVIL SERVANT WEY THIEF TRANSFORMER PARTS

Na Osun State the matta for happen O! The Nigeria Security and Civil Defence Corps don gbab one Mr Julius Adetokunbo wey be civil servant for Ministry of works
Mr Julius wey na civil servant go steal Transformer parts with he guy Mr Muideen Agunbaide for inside Osun State Civil Service Secretariat.

Mr Olusola Ayodele wey be the commandant of NSCDC for Osun yarn say dem gbab the thieves dem as dem dey do stop and search. He say na inside one Nissan motor D thieves hide the 12 Transformer coils wey dem thief.

He say dem the thieves codedly hide the Transformer coils dem inside the motor, but dem see am, con gbab dem .

When dey ask Mr Julius, he say as a civil servant, the money wey dem dey collect no dey reach dem do anything and say he children school fees and other things push am to go thief so.

Mr Ayodele say dem go charge dem go court soon so dat dem go know their fate onto the matta.