Dis Mata sound funny but na true. One guy wey be sharp pick-pocket thief shuk hand enter one man pocket steal, him wallet, but as he run go corner to open am the wallet turn to Snake and the snake gum him hand sote he No fit commot am again.
According to wetin we dey hear, e be like say the man wey the pick-pocket thief from na Spiritual man. Na Ghana dis gist dey come from. The tori say after the wallet don turn snake for the thief hand, na so the snake gum the hand. The thief rush go meet the man for the bus stop wey the matta for happen, but the man say no be him wallet.
The spiritual man bring out another wallet to claim say no be him wallet, the pick-pocket thief still dey beg the man, but the man just waka leave am. Now the snake gum the thief hand, but e no bite am, only say the snake no fit commot for now.
Pipu try advice the thief make him go see another spiritual person for help, becos dem never see dis kind tin before.
No comments:
Post a Comment