GIST:Odunlade Adekola And Mr Latin Escape As Armed Robbers Attack dem Along Sagamu Road.

No be small thing as Bolaji Amusan aka Mr Latin, and Odunlade Adekola manage escape attack by armed robbers as dem dey come from one Glo music show inside Ijebu-Ode.

The gist na say dem drive dem motor dey go along Ilishan-Sagamu road, but some bad armed robbers don already set trap for the road.
Mr Latin yarn PREMIUM TIMES say, “we left Ijebu-Ode after the show and heading to Abeokuta, when at about 7.30 p.m. we ran into the armed robbers already stationed themselves on the road,”.
He say Odunlade dey drive for front ahead of him motor before dey sight the road block wey dem set. Odunlade try escape the road block, but the thieves scatter bullets for him tyres, na so dem force the car to srop.
Mr Latin, wey dey drive him Toyota Camry for the back of Odunlade Toyota Avensis, say him and him colleague with some other aides just abandon the motor dem as dem rush enter bush.
He say dem dey inside the bush for almost two hours, the thieves dem search inside the motor dem, con carry many things plus money and phones.
“We ran as the robbers pursued us with guns. We were in the bush for about two hours, before we later regained freedom after the robbers left the scene,” Mr Latin yarn again.