Mob do vex beat one suspected kidnapper till he pooff for Brown Street, Akinpelu, Oshodi area of Lagos State on Tuesday, as he kidnap three children.
Gist dey say the suspect kidnap the three children as dem dey come back from holiday lesson.
According to eyewitness dem, dey catch the kidnapper with one Ghana must go bag, wey he dey struggle to carry for Salami Street.
Pipu just suspect and con near am to ask am questions, but dey shock to see sat na three children dey inside the bag.
The children dem don lost dem voice sake of suffocation, as na small dey for pooff before pipu rush the kidnapper.
Gist dey say the man confess before he pooff say him na Further Mathematics teacher from one Odeogberin International Nursery and Primary School for Owoseni Street, Oshodi but as dey carry am reach the school, the headmaster say he no know the man and no be teacher for dem school, say he never even see the man before. One resident, yarn say as boys carry the kidnapper waka if any bodi fit identify am, but nobodi know am, dey tear him cloth con begin beat am. She say:
“When they opened his bag, two of the children appeared to have died while one was still breathing. At the sight of the lifeless bodies, the angry mob beat him until he died,”.
The Akinpelu police station, the Divisional Police Officer (DPO) note say the bodi of thr suspect don dey mortuary.
To Confirm the incident, Spokesperson for the Lagos State Police Command, ASP Olarinde Famous-Cole, yarn newsmen say the case na jungle justice.
"The information I received from the DPO is that someone was lynched by a mob for attempting to kidnap two babies. The DPO has been waiting for anyone to come and report attempted kidnap of his or her babies, but as we speak no one has shown up. Before our police officers could get to scene, the suspect was killed.
"Our officers took the body of the suspect to the hospital and arrested some persons who were at the scene when the incident happened in order to aid our investigation."
No comments:
Post a Comment