NEWS:BADOO: 14-Year Old Boy Escape Death As Badoo Cult strike one Church Vigil for Ikorodu.

No be small Gbege for Ikorodu, Lagos as BADOO attack again for Igbo Agbowa Area of Ikorodu.

Gist dey say the attack happen for one white garment church on Friday night
According to Daily Sun, the Badoo just enter the church like member, come go the rooms where members dey relax, na so he hit one 14-year-old boy with stone for head. The boy been don go sleep before the attack, the BADOO use the stone hit the boy two times as the boy been try shout for help.
As the BADOO don see say e don red and he sharperly collect white garment from he partner, the partner rush jump the church fence to escape, the other BADOO just wear the white garment con mix with the worshippers so nobody go fit suspect am.
Hand later gbab the BADOO after the boy wey dey attack for the church just identify among crowd and worshippers.
Daily Sun report say na the dreadlocks for him head expose am. The boy don dey hospital now for treatment.
The BADOO don dey the Ipakodo Police Station for Ikorodu yonder.