One Akelebe (police officer) don fall and disgrace the hand and levels of the Nigeria Police Force, he don high plenty shepe, awopa, monkey tail plus Jedi join, na so he just fall dey sleep for one bus stop ground for Lagos State.
According to the person wey witness the falling hand, the officer wear one T-Shirt with
the logo, ‘Gallant Mopol’, and he believe say the Akelebe go be member of the Mobile Police Force.
The witness, Francis Adebayo , yarn say the falling hand cause big degradation to the force as plenty passers-by and luku-luku pipu dem dey take mouth dey spoil and Yarb the Police force, while some dey call on the police authorities fish out dis kind disgraceful officers from the force.
Adebayo still yarn say, e reach one stage, the ‘Gallant Officer’ vomit con roll ontop am to continue with him afternoon sleepings...
No comments:
Post a Comment