Becos of Nigeria poor outing for the just concluded Rio Olympics for Brazil, where dem only win bronze medal for men’s football, the Senate don say dem go probe the Minister of Sports, Solomon Dalung and the National Olympics Committee, NOC,
onto their roles for the event. Dey no happy say the U-23 football team accept cash donation from the Japanese multimillionaire for the Bronze Medal victory. Chairman, Senate Committee on Sports, Obinna Ogba, PDP, Ebony South, yarn yesterday, for one interview with journalists inside Abuja .
Ogba, na part of the official delegation to Brazil, say a lot of factors from funding to logistics contribute to Nigeria no-show performance for the Olympics Games, say the Senate go look into the circumstances when dem
resume from recess next month. “My committee go invite the NOC to come and brief us about the Olympics.
Apart from the late coming of our athletes’ kits, you fit see say even our national anthem for the opening ceremony na the wrong one. So, na all dis matta we wan find out wetin
happen when we resume,” Ogba yarn so. Onto the donation of $390,000 to the Olympic Football team by a Japanese plastic surgeon, Dr. katsuya Takasu, the lawmaker say e dey wrong for the team to collect the money because the source dey unknown.
Abeg, make una face the probing of the team kit, leave the money matta, the man help naija becos of the poor financial support.
No comments:
Post a Comment